Оклопни возила и специјалци го опколија македонското Собрание. МВР утрово информираше дека денеска во Скопје од 13 часот ќе биде воведен посебен режим на сообраќај поради најавен протестен марш на албанско граѓанско здружение, што ќе започне од паркот во Чаир.

Целта на маршот на здружението е барање на правични судски процеси.

– Денеска со почеток во 13 часот е најавен протестен марш, кој ќе започне од паркот во Чаир, продолжува право по улицата „Христијан Тодоровски Карпош”, право по улицата „Цветан Димов”, десно по булеварот „Гоце Делчев”, лево по улицата „Филип Втори”, десно по улицата „11-ти Октомври” до пред Собрание на Република Северна Македонија- информираат од Министерството за внатрешни работи.