Обвинителството за организиран криминал доставило предлог до судот за определување мерка притвор за специјалната обвинителка Катица Јанева за вмешаност во случајот „Рекет“  во кој досега осомничени се и Боки 13 и Зоки Кичеец. Според ОЈО, Јанева ја злоупотребила службенатра положба и овластувања и стекнала имотна корист од 298 илјади денари, околу 5.000 евра односно, еден од осомничените за неа набавил мебел и облека.

При денешниот претрес на полицијата, од СЈО е одземен службенот компјутер на Јанева, а се врши претрес и во нејзиниот дом, потврди обвинителот Јовески.

Под сомнение дека изнудувале пари од бизнисмен за кој се води судска постапка, на кој му ветувале дека ќе влијаат врз јавен обвинител за повлекување на обвинението против него, осомничените Бојан Јовановски – Боки 13 и Зоран Милевски – Кичеец, се веќе во притвор.

Специјалната обвинителка во оставка Катица Јанева негираше дека е вмешана во случајот „Рекет”. Таа обвини дека против неа и нејзиното семејство се води хајка уште од самото стапување на функцијата, со цел нејзина дискредитација.