Основното јавно обвинителство започна истрага против две лица на возраст од 28 и 30 години, за кои постои основано сомнение дека на 2 овој месец влегле во маркет во скопското село Сандево и со закана со нож вперен кон вработената, одзеле 36.600 денари.

„Бидејќи постои опасност осомничените да се дадат во бегство, да ја попречуваат кривичната постапка со влијание врз сведоците или да го повторат делото, јавниот обвинител до судијата на претходна постапка при Основниот кривичен суд Скопје достави и предлог за определување мерка притвор за двајцата осомничени“, се наведува во соопштението од Обвинителството.