Одложувањето на вакцинацијата носи ризик за детето и од други болести

Родителите се пред дилемата дали треба децата да ги носат на вакцинација и дали на пунктовите ги изложуваат на ризик да бидат инфицирани со коронавирусот, поради што и бројот на деца што се вакцинираат е намален.

Известувања и покани за вакцинација се испраќаат до родителите, иако пандемијата предизвикана од вирусот ковид-19 сѐ уште е актуелна, а бројот на заболени по трендот на пад повторно оди нагоре. Родителите се соочуваат со дилема дали и во услови на пандемија треба децата да ги носат на вакцинација и дали во пунктовите за вакцинација се изложуваат на ризик да бидат инфицирани со вирусот, поради што и бројот на деца што се вакцинираат е намален.

– На електронска пошта од училиштето добивме известување за вакцинирање. Малку се изненадивме, бидејќи, сепак, епидемијата сѐ уште трае и имаме дилема дали не е подобро да се почека. Треба да се ревакцинира со ди-те-пер вакцина, која знае да даде покачена температура. Ако тоа се случи, нема да знаеме дали детето има некоја вирусна инфекција или пак е реакција од вакцината – вели мајка на седумгодишно дете.

Прочитајте и...  Мисајловски: Со години локалната власт во Куманово ги лаже граѓаните (ВИДЕО)

Таа, исто така, посочува дека, од друга страна, неизвесно е до кога би се одложило вакцинирањето, бидејќи не се знае точно како ќе се развива ситуацијата со пандемијата и дали би можело да има и втор бран, по стивнувањето на првиот.

Препораки и од Комисијата за заразни заболувања

Комисијата за заразни заболувања уште во март даде препорака вакцинацијата на децата од училишта и од предучилишна возраст да се одвива тековно, според редовниот календар за имунизација. Оваа комисија на 28 април препорача да се почне со вакцинација на децата од училишна возраст со претходно испратени покани и закажани прегледи. Приоритет треба се дава на децата што се во завршните години од образованието, со цел да се спречи пропуштање на имунизацијата на овие генерации, затоа што одредени вакцини мора да се дадат на одредена возраст.

Прочитајте и...  Објавени фотографии од верски обреди во црква во Аеродром: Верниците и поповите без маски и дистанца

Проф. д-р Александра Грозданова, која го води Националниот комитет за имунизација, вели дека и Светската здравствена организација, исто така, препорачува вакцинацијата да се организира без застој. И покрај тоа, поради епидемијата и стравот кај родителите, во вакциналните пунктови е намален бројот на деца што се вакцинираат, иако оваа појава не е во драматични размери.

Безбедно закажување

– Родителите треба да се свесни дека со тоа што ќе го одложат вакцинирањето, го зголемуваат ризикот детето да добие некои друго заболување, за кое заштита даваат вакцините и се нарушува редоследот на вакцините што се во редовниот календар на имунизација. Овој проблем е особено изразен кај децата од предучилишната возраст, затоа што тие почесто примаат вакцини, така што многу лесно може да дојде со комплетно изместување на календарот за имунизација – објаснува Грозданова.

Прочитајте и...  Физички напад на лекар од Клиничката болница во Тетово

Таа додава дека со некои од овие вакцини, како што е таа за хемофилус инфлуенца или за стрептококна пневмонија, детето се штити од инфекции на респираторниот систем, со што се намалуваат ризикот од евентуални компликации и доколку дојде до инфекција со ковид-19.

Шансите да дојде до инфекција во вакциналните пунктови се намалуваат со тоа што малите деца се закажуваат на поголемо временско растојание, со што се избегнуваат блиски контакти. Училишните деца се примаат во помали групи од пет деца.

– Ги повикуваме родителите според насоките да ги носат децата на вакцинација и да не ги одложуваат вакцините – вели д-р Грозданова.

Минатата година имавме епидемија на морбили во земјава поради намалениот опфат на децата со вакцината против морбили, рубеола и паротит.

Прочитај повеќе

Австрија бележи пад на бројот на невработени

Слободен печат

ИНТЕРВЈУ Лаима Андрикиен: ОДИХР ги оценува, не се меша во организирањето на изборите

Царовска: Ќе биде надминато прашањето со царинските стапки за странските инвеститори

Слободен печат

Објавен црвен метеоаларм: Силно невреме ја погоди Хрватска

Слободен печат

Мерсиха Смаиловиќ, активистка: Уморни сме да бидеме само дел од фолклорот кога треба да ја прикажеме мултиетничноста на општеството

Јасмина Кантарџиева Димков

Денес ветровито, од утре сончево и пораст на температурите

Слободен печат

Остави Коментар

Прочитај повеќе

Мемоарите на Мери Трамп: Измамите му се начин на живот на Доналд Трамп

Слободен печат

Брима Галуп го демантира Горан Момировски: Не е точно дека не сме спровеле анкета

Ана Анастасовска

Сите болни од туберкулоза во државата се хоспитализираат во болницата во Лешок

Слободен печат

EK: ЕУ да се подготви за подлабока економска криза

Слободен печат

Анкета: Третина од Британците не би се вакцинирале против коронавирусот

Слободен печат

Филипче: Гласањето нема да биде помалку безбедно од било која друга нормална активност која ја вршиме секојдневно (ВИДЕО)

Слободен печат