Одбојкарскиот реперезентативец Ѓорѓиев следната сезона ќе игра во Полска
Македонскиот одбојкарски репрезентативец Ѓорги Ѓоргиев во наредната сезона ќе настапува во силниот полски шампионат. Ѓорѓиев потпиша едногодишен договор со екипата на Алурон Вирту Завиерче.
До прекинот на сезоната во полскиот шампионат поради пандемијата на коронавирусот, Алурон Вирту беше десеттопласиран на табелата.
– Слушнав многу добри работи за клубот, за неговата организација, за амбициите. Сакав да играм во полската лига, една од најсилните во светот. Овде има одлични навивачи и високи стандарди. Сакав да го почувствувам тоа – рече Ѓорѓиев на промоцијата .
Ǵorǵi Ǵorǵiew Jurajskim Rycerzem!
? Reprezentant Macedonii Północnej, półfinalista Pucharu Challenge sprzed dwóch lat, Ǵorǵi Ǵorǵiew, nowym rozgrywającym Jurajskich Rycerzy! ⚔️
Publiée par Aluron Virtu CMC Zawiercie sur Mercredi 20 mai 2020
Ѓорѓи Ѓорѓиев е стандарден македонски репрезентативец и минатата година беше дел од репрезентацијата која настапи на Европското првенство во Словенија.
Помладиот од браќата Ѓоргиеви минатата сезона настапуваше во француското првенство и тоа за екипата на Парис Волеј.