Од девојче кое поради црната боја на кожата никој не го дружел, до историска кандидатура за потпретседател на САД

Во актуелната општествено – политичка ситуација и во екот на антирасистичките протести на улиците на САД, таа истакнуваше дека една од најважните задачи во САД е реформата на полицијата.

Кога демократскиот претседателски кандидат Џо Бајден за своја потенцијална потпретседателка ја избра Камала Харид, сенаторка од Калифорнија и учесничка во трката за демократска номинација, со верување дека неговите шанси за победа над кандидатот на републиканците и актуелен американски претседател Доналд Трамп се зголемиле.

Доналд Трамп / Џо Бајден

Поранешната јавна обвинителка со индиско-јамајкански корени, е права Афроамериканка и Азијатка која има можност да стане потпретседателка. Таа е четврта жена која партијата ја кандидира. Меѓутоа, претходните три доживеаја пораз, две како портпретседателски кандидатки, а Хилари Клинтон како противкандидат на Доналд Трамп на изборите во 2016 година.

Камала Харис

„Голема чест ми е што ја одбрав Камала Харис – бестрашен борец за човекови права“, рече Бајден во објавата на Твитер, а и Харис исто така изјави дека ѝ е голема чест што е кандидатот на демократите ја одбрал токму неа.

 

„Ќе направам се што е потребно Бајден да стане претседател“; напиша Камала Харис во својот твит.

Таа стана окружен обвинител за Сан Франциско во 2003 година, пред да биде прогласена за правата Афроамериканка која е поставена за главен обвинител на Калифорнија, што е најголем чин во адвокатурата и судството во најнаселената американска држава.

Камала Харис одржа говор по повод инаугурација за кандидат за потпретседател на САД/11 август 2020/ Фото: EPA-EFE/ETIENNE LAURENT

Во текот на речиси два мандати на оваа позиција, Камала Харис доби репутација на ѕвезда во подем во Демократската партија, користејќи го овој залет за покренување на нејзиниот избор за сенатор на Калифорнија во 2017 година.

На почетокот на минатата година покрена кандидатура за претседател пред повеќе од 20.000 луѓе во Оукленд, потсетува BBC.

Меѓутоа сенаторката не успеа јасно да ја артикулира својата кампања и даваше загрижувачки одговори на прашањата во клучните области, како здравствената заштита, наведува Би Би Си.

„Камала е полицајка“ стана вообичаената парола на митинзите во текот на нејзината кампања, што ги осуети нејзините обиде да привлече внимание кај либералните демократи.

Од трката за демократска номинација се повлече во декември, пред изборите во Ајова.

Прочитајте и...  Димитров- Дирк Јан Коп: Моделот на Холандија е она кон што се стремиме

Сепак, додека уште беше во трката за демократска номинација во текот на јавните дебати влегуваше во остри расправи со Бајден, посебно поради неговиот, како што велеше, премногу благ став кон сенаторите кои ја поддржуваа расната сегрегација.

„Ќе направам се што е потребно Бајден да стане претседател“  Камала Харис во својот твит / 12. август 2020 / Фото: EPA-EFE/ETIENNE LAURENT

„Јас искрено верувам дека не сте расист. Но болно е да се слушне од Вас дека ги браните, соработувате со нив и зборувате за угледот на сенторите кои своите кариери и репутации ја изградија на политиката на сегрегација на расите во оваа земја“, рече Камала Харид во текот на една од дебатите.

„Знам за едно девојче од Калифорнија кое одеше во интегрирано училиште, и тоа девојче бев јас“; додаде таа тогаш.

Година дена подоцна, Камала Харис и Бајден повторно ја делеа бината, но овој пат без остри расправи.

Притоа, како што пишува Њујорк Тајмс, станува збор за доверлив сојузник на демократскиот естаблишмент, со флексибилни политички приоритети кои во голема мера ги одразуваат принципите на Бајден во политиката. Исто така нејзината кандидатура за потпретседател може да придонесе за поголем одѕив на афроамериканските гласачи – кои се најлојано гласачко тело на Демократската партија.

Тие гласови го спасија Бајден на предизборите во Јужна Каролина во февруари и ќе бидат клучни во државите како што се Мичиген, Пенсилванија и Висконсин, каде Трамп 2016 година однесе тесна победа, а во кои според досегашните анкети заостанува Бајден.

Како јавна обвинителка во сојузната држава Калифорнија Камала Харис стана популарна меѓу либерланите активисти, најмногу поради острото испрашување на официјални лица од администрацијата на Трамп во текот на сослушувањата во Сенатот. Меѓу испитуваните беа и кандидатот за судија на Врховниот суд Брет Кавано, како и поранешниот министер за правда Џеф Сешонс, пренесува Ал Џезаира.

Исто така, Камала Харис во Конгресот меѓу првите ја критикуваше имигрантската политика на Трамп. Таа жестоко се залагаше за заштита од депортација на оние мигранти кои како деца доше во САД без никакви документи, тн. „сонувачи“.

Фото: EPA-EFE/MICHAEL REYNOLDS

Камала Харис во 2016 година влезе во историјата како прва сенаторка Афроамериканка од Калифорнија. Во текот на мандатот се залагаше за решавање на проблемот на расизмот, сексуална или кој било друг вид дискриминација.

Прочитајте и...  Новата учебна година со различни модели и услови за настава

Во Сенатот го претстави Предлог законот за исплата на пари и даночни кредити за семејствата со ниски приходи за да се изборат со стагнирањето на плати и истовремениот раст на животните трошоци, а беше и силен заговарач за реформи во кривичното право.

Таа, меѓутоа во ниту еден момент не беше фавори на десното крило на Демокатската партија. Многумина ја критикуваа нејзината досегашна работа, вклучувајќи го и повремениот колеблив пристап кон рефермите во кривичното право и нејзината борба против тужбите кои ги предале работниците и работничките во сексуалната индустрија, како и противниците на самици во затворите.

„На децата од соседството не им беше дозволено да си играат…“

Камала Харис е родена во Окланд, Калифорнија, во семејство на имигранти кои дошле во Соединетите држави од Јамајка (таткото ) и Индија (мајката). Од почетокот на нејзината политичка кариера, Камала Харис нагласи дека се смета себеси за Американка, иако „никогаш немала проблем да го посочи потеклото“. Таа пораснала, вели, одејќи во баптистичка црква и хиндуистички храм.

Нејзините родители се развеле кога имала седум години, а таа и нејзината помала сестра продолжила да ги одгледува нејзината мајка.

Како дете, таа честопати се соочувала со расната дискриминација. Во една прилика, таа изјавила дека „децата од соседството не смееле да си играат со неа затоа што таа имала различна боја на кожата“.

„Мајка ми многу добро разбра дека одгледува две црни ќерки“, напишала во својата автобиографија: „Вистината на која се држиме“.

„Таа знаеше дека околината Маја (сестрата) и мене ќе не гледа како две црни жени и таа беше решена да пораснеме во самоуверени, горди афро-американска жени“, напиша исто така Камала Харис.

Во својата автобиографија, таа го објасни потеклото и значењето на нејзиното име.

„Моето име Камала всушност значи лотосов цвет и симболизира значење или вредност во индиската култура. Лотосот расте под вода, но неговите цвеќиња се издигнуваат над површината, додека корените се цврсто засадени во дното на речното место “, пренесува списокот Јутарњи лист.

Студирала политички науки и економија на универзитетот Хауард во Вашингтон, една од најважните образовни институции за Афроамериканците низ историјата, каде што и дипломирала.

Прочитајте и...  Делови од Карпош и Сопиште утре без струја

Како што пишува Би-Би-Си, а според нејзините зборови, токму за време на студиите се формирала како личност, каде исто така се здобила со важни животни искуства.

Таа во 2019 година, во интервју за „Вашингтон пост“, истакна дека политичарите не треба да се категоризираат по фиоки заради бојата на кожата или потеклото.

„Суштината е следнава – јас сум тоа што сум. Се чувствувам добро поради тоа. Можеби ќе треба времеза да разберете, но мене тоа не ми пречи “, рече Камала Харис во тоа време.

Реакции

По објавувата на Бајден, Трамп изјави дека е изненаден од неговиот избор за кандидат за потпретседател, најмногу затоа што, како што вели, „нејзиното екстремно непочитување“ кон демократскиот кандидат на претстојните избори, што јавно го искажа во дебатите.

„Таа беше многу, многу расипана. „Таа покажа недостаток на почит кон Бајден и тешко е да се избере некој кој е толку несоодветен“, им рече Трамп на новинарите.

Од друга страна, поранешниот претседател Барак Обама на Твитер објави порака за поддршка на одлуката на Бајден.

„Ја познавам сенаторката Харис долго време. Таа е исто така повеќе од подготвена за работата. Таа ја помина кариерата бранејќи го нашиот устав и се бори за оние кои треба да добијат фер шанса. Ова е добар ден за нашата земја. И сега, одиме да победиме во ова “, напиша Обама.

Именувањето на Камала Харис ѝ го честиташе и американскиот сенатор од Вермонт Берни Сандерс, кој исто така беше еден од конкурентите на Бајден во трката за номинација од демократите.

„Ѝ честитам на Камала. Ќе влезе во историјата како наша прва потпретседателка. Таа разбира што е потребно во борбата за работниците, за здравствена нега, за решавањето на проблемите на корумпираната администрација“, порача Сандерс на Твитер.

На Харис среќа ѝ посака и кандидатката на демократите на петходните претседателски избори 2016 година, Хилари Клинтон.

„Таа веќе се докажа како извонредна јавна обвинителка и предводничка и знам дека ќе му биде силна поддршка на Бајден“, рече Хилари Клинтон.

Прочитај повеќе

Битиќи: Ребалансот на Буџетот ќе биде заокружен до крајот на неделата, ќе се скрати што не може да се реализира

Слободен печат

И Меркел повика на итен прекин на оружениот судир во Нагорно Карабах

Слободен печат

ОЈО ги отфрли кривичните пријави за работењето на ТЕ-ТО

Слободен печат

Московските ученици на продолжен распуст поради коронавирусот

Слободен печат

Добрила Кацарска е предлогот на Судски совет за нов уставен судија

Лука Андреев

Не можам да те посетам, но можам да те видам и да те слушнам

Остави Коментар

Прочитај повеќе

Нагорно Карабах: Ерменија се заканува со употреба на оружје со голем дострел

Слободен печат

АИ: Осуда за полицијата и судот за постапките против демонстрантите во Франција

Слободен печат

Се разгоруваат судирите во Нагорно – Карабах: Азербејџанска војска нападна војници на ерменска територија (ВИДЕО)

Слободен печат

Европскиот парламент ќе заседава во Брисел, наместо во Стразбур

МИА Агенција

МО: Војници утринава се полесно повредени во сообраќајката на патот Струмица-Штип

Слободен печат

Руските научници тврдат: Има случаи на реинфекција на коронавирус, но многу малку

Слободен печат