Објавени се номинациите за „Златната малина“ – наградите што традиционално ги „слават“ најслабите филмски остварувања во годината. На врвот на листата со по шест номинации се најдоа филмовите „Снежана“ („Snow White“) и „Војна на световите“ („War of the Worlds“), пишува „Вараети“.

Покрај нив, за најлош филм се номинирани и „Електричната држава“ („The Electric State“), „Побрзај утре“ („Hurry Up Tomorrow“) и „Ѕвездени патеки: Секција 31“ („Star Trek: Section 31“).

Во актерските категории, Абел Тесфаје (The Weeknd) е во трка за најлоша машка улога за тоа што се глуми самиот себеси во филмот „Побрзај утре“ („Hurry Up Tomorrow“), кој вкупно има пет номинации. Тој ќе се натпреварува со Дејв Батиста („Во изгубените земји“ – „In the Lost Lands“), Ајс Кјуб („Војна на световите“ – „War of the Worlds“), Скот Иствуд („Аларум“ – „Alarum“) и Џаред Лето („Трон: Арес“ – „Tron: Ares“).

За најлоша женска улога се номинирани Аријана Дебоуз („Љубовта боли“ – „Love Hurts“), Мила Јовович („Во изгубените земји“ – „In the Lost Lands“), Натали Портман („Фонтаната на младоста“ – „Fountain of Youth“), Ребел Вилсон („Тврда невеста“ – „Bride Hard“) и Мишел Јео („Ѕвездени патеки: Секција 31“ – „Star Trek: Section 31“).

Особено внимание привлекува и категоријата за најлоша актерска комбинација, во која се номинирани: седумте џуџиња од играната верзија на „Снежана“ („Snow White“); Џејмс Корден и Ријана во „Штрумфовите“ („Smurfs“); Ајс Кјуб и неговата Зум-камера во „Војна на световите“ („War of the Worlds“); Роберт Де Ниро како Френк и Вито во „Алто ноќи“ („The Alto Nights“); како и The Weeknd и „неговиот огромен его“ во „Побрзај утре“ („Hurry Up Tomorrow“).

Номинации по категории:

Најлош филм:

– „Електричната држава“ („The Electric State“)
– „Побрзај утре“ („Hurry Up Tomorrow“)
– „Снежана“ („Snow White“, 2025)
– „Ѕвездени патеки: Секција 31“ („Star Trek: Section 31“)
– „Војна на световите“ („War of the Worlds“, 2025)

Најлош актер:

– Дејв Батиста – „Во изгубените земји“ („In the Lost Lands“)
– Ајс Кјуб – „Војна на световите“ („War of the Worlds“)
– Скот Иствуд – „Аларм“ („Alarum“)
– Џаред Лето – „Трон: Арес“ („Tron: Ares“)
– Абел Тесфаје (The Weeknd) – „Побрзај утре“ („Hurry Up Tomorrow“)

Најлоша актерка:

– Аријана Дебоуз – „Љубовта боли“ („Love Hurts“)
– Мила Јовович – „Во изгубените земји“ („In the Lost Lands“)
– Натали Портман – „Фонтаната на младоста“ („Fountain of Youth“)
– Ребел Вилсон – „Тврда невеста“ („Bride Hard“)
– Мишел Јео – „Ѕвездени патеки: Секција 31“ („Star Trek: Section 31“)

Најлош римејк/продолжение:

– „Знам што направи минатото лето“ („I Know What You Did Last Summer“, 2025)
– „Пет ноќи кај Фреди 2“ („Five Nights at Freddy’s 2“)
– „Штрумфовите“ („Smurfs“, 2025)
– „Снежана“ („Snow White“, 2025)
– „Војна на световите“ („War of the Worlds“, 2025)

Најлоша споредна актерка:

– Ана Кламски – „Тврда невеста“ („Bride Hard“)
– Ема Хорват – „Странците: Поглавје 2“ („The Strangers: Chapter 2“)
– Скарлет Роуз Сталоне – „Револверашите“ („Gunslingers“)
– Кејси Рол – „Ѕвездени патеки: Секција 31“ („Star Trek: Section 31“)
– Ајсис Валверде – „Аларум“ („Alarum“)

Најлош спореден актер:

– Седумте дигитални џуџиња – „Снежана“ („Snow White“, 2025)
– Николас Кејџ – „Револверашите“ („Gunslingers“)
– Стивен Дорф – „Тврда невеста“ („Bride Hard“)
– Грег Кинир – „Надвор од мрежата“ („Off the Grid“)
– Силвестер Сталоне – „Аларум“ („Alarum“)