Екипата на Беса која сезонава обезбеди пласман во прволигашка конкуренција денеска претстави три засилувања најзвучно име е голманот кој остави длабока трага во Шкендија, Константин Захов, а пристигнаа уште Меџит Незири и Горан Силјановски.

Захов во минатата сезона го бранеше голот на Воска Спорт од каде што во последниот период си заминаа неколку фудбалери и изгледа како да се случува вистински егзодус во клубот.

Захов не успеа да се договори со охридскиот клуб и ќе ја продолжи кариерата во Добридол.

Покрај Воска, Захов во кариерата бранеше уште за Шкендија, Брегалница, Турново, Вардар и Беласица. Успеа да запише и еден настап за македонската фудбалска репрезентација.