Новиот Бетмен ќе биде многу поразличен од претходните филмови
Новата верзија на Бетмен со актерот Роберт Патинсон во улога на Брус Вејн, ветува дека многу ќе се разликува од претходните филмови. Бетмен ќе го следи помладиот Брус Вејн (во споредна со претходните верзии), кој сè уште е во рана фаза на своето детективско патување.
Бетмен ќе наиде на многу негативци како што е Селина Кајл „жена – мачка“ која ќе ја толкува актерката Зои Кравиц, Кармин Фалконе позади чиј лик стои Тон Туртуро, Освалд Коблотпот – пингвин во улога на Колин Фарел и Едвард Наштон кој ќе го толкува Пол Дано.
Тизерот што беше пуштен во јавноста беше доволен за да ѝ навести на публиката дека Бетмен ќе се разликува од претходните филмови.
Бетмен на филмското платно дебатираше во 40-тите години на минатиот век благодарение на два сериски филма насловени како „Бетмен“ и „Бетмен и Робин“. Но, се смета дека историјата на Бетмен во филмската индустрија започна во 1966 година со „Batman: The Movie“, адаптација на тв серијата со Адам Вест и Барт Вард.
Секој Бетмен има свој стил, кој не зависи само од актерот, туку и од годината кога е снимен филмот, кој е режисерот и секако новите примеси во приказната.
Роберт Патинсон во улога на Брус Вејн ќе биде помлада верзија од претходните, тој нема да биде почетник но нема да биде ниту многу искусен херој од стриповите. Исто така повеќе ќе се фокусира на детективската страна на ликот. Поради ова, многу е мала веројатноста дека новиот Бетмен ќе има комични тонови како верзиите на Вест и Клуни, иако тоа не значи дека ќе му недостасува смисла на хумор.
Пред да се појави првиот тизер за новиот филм, обожавателите беа загрижени дека филмот ќе има премногу негативци, што претходно се покажа како многу лоша одлука што може да ја уништи примарната идеја на филмот. Но, она што никој не го предвидуваше е тоа што во овој филм, Бетмен нема да ги убива своите непријатели!
Централната тема ќе биде корупцијата, главниот лик нема да учествува во смртта на другите ликови со цел, како што изјави режисерот, подобро да се отсликаат основните вредности на култниот лик.
Премиерата е закажана за 4 март, 2022 година.