Повеќе нови жаришта на пожари се забележуваат попладнево во околината на Скопје, гори кај Волково, Стенковец, Орман, на обиколницата меѓу Мирковски и Качанички Пат, а активни се и пожарите на Скопска Црна Гора, кај селата Бразда и Горњани.

Силниот ветер кој почна да дува попладнево ја прави борбата со пожарите уште потешка, а тој го донесе и чадот од околината во градот, па во повеќе скопски населби е тешко да се престојува на отворено поради силната миризба.

Читатели на „Слободен печат“ јавуваат дека кај Волково е драматично и дека едвај биле спасени неколку куќи, поради екстремно брзото ширење на огнот носен од ветерот.

Жителите на Бразда попладнево бараат итна помош во луѓе и механизација за да се спречи ширењето на огнената стихија.