На 30 октомври, со почеток во 20 часот, во пабот „Беертија“ ќе се одржи 12. издание на „Поетска епизода“ на тема „Хорор, чудно, страшно“. Во рамки на настанот ќе учествуваат поетите и поетесите Лидија Димковска, Андреј Ал-Асади, Милена Сиљаноска, Никола Наумовски и Драгана Стојадиновска.

Модератори на настанот ќе бидат Андреј Медиќ Лазаревски и Марија Велинова.

„Поетска епизода“ е книжевен настан организиран во соработка со Здружението за афирмација на младинската култура „Култура Бета“. На досегашните 11 изданија настапиле над 50 домашни и странски автори, а секое издание е посветено на различна тема.

Новото издание на „Поетска епизода“ ќе се случи во рамки на базарот „Halloween“, организиран од „Пламен Ивентс“, а читањето е со поддршка на Град Скопје.