Иако претходно Вељко Пауновиќ важеше за фаворите, вечерва српските медуми објавија нови информации. Наводно, Владан Милојевиќ, актуелниот тренер на белградска Црвена звезда, ќе седне на селекторската клупа на фудбалската репрезентација на Србија.

Како што пренесува  „Журнал“, официјалната одлука треба да биде потврдена на седницата на Извршниот одбор на Фудбалскиот сојуз на Србија, закажана за 17 октомври. До тогаш, а и до истекот на договорот со „црвено-белите“ во зимскиот период, Милојевиќ ќе ги извршува двете функции паралелно и ќе ја води Звезда во домашното првенство и во Лигата на Европа.

Своето деби како селектор, 53-годишниот стратег би требало да го има на 13 ноември на легендарниот „Вембли“ во Лондон против Англија. Само три дена подоцна, на 16 ноември, Србија ќе го одигра и последниот натпревар од квалификациите за Светското првенство.

Преземено од: Спорт.ком.мк