Крадци скршиле врата од автобус и украле телефони и паричници на деца од трето одделение, ученици од Крива Паланка кои биле на екскурзија во Битола, објави туристичката агенција со која патувале учениците.

Кражбата се случила на паркинг, а полицијата за кусо време ги фатила дрските крадци.

„Денеска, 31.10.2025 на паркингот во Битола кај Ракометната се случи тешка кражба на нашиот автобус, кој беше уредно паркиран. Украдени беа повеќе мобилни телефони, пари, новчаници и уште неколку лични предмети на деца кои во моментот беа на својата училишна екскурзија во Битола од ООУ „Илинден“ – Крива Паланка (3-то одделение). По пријава на настанот, полиција дојде експресно брзо како и инспекторите кои по кратка, но детална проверка и на околината и на видеонадзорот, за 40 минути ги лоцира крадците. Украдените предмети се вратени во целост назад на дечињата и наставниците“, објави агенцијата на својата страница на Фејсбук