Нека не ви биде здодевно ова попладне – Направете си лесна торта со банани и бискивити (РЕЦЕПТ)
Состојки:
500 грама мелени бисквити
300 милилитри сок од лимон
150 грама шеќер во прав
250 грама маргарин
150 грама чоколадо за готвење
250 грама бадеми
1 килограм банани
500 милилитри слатка павлака
Подготовка:
Почнете ја подготовката на овој десерт со тоа што на пареа ќе ја стопите чоколадата за готвење. Кога таа ќе ја постигне посакуваната текстура, тргнете го садот од пареата.
Во друг сад, ставете ги претходно омекнатиот маргарин и шеќерот во прав. Со миксер вклучен на најголемата брзина, убаво изматете ја целата смеса додека шеќерот во прав комплетно не се стопи. Потоа додајте ги претходно мелените бисквити и измелените бадеми. Сето тоа убаво соединете го и добиената смеса, поделете ја на два дела. Во едниот дел, ставете ја стопената чоколада и убаво измешајте. На тој начин, вашиот десерт ќе биде поколоритен.
Земете го садот во кој ќе го филувате десертот и обложете го со кујнска фолија. На дното на садот ставете го делот со бисквити во кој ја ставивте растопената чоколада. Убаво измазнете. Врз целата површина на распоредениот пандишпан, наредете кругчиња банана што претходно сте ги испрскале со лимонов сок за да не потемнат.
Врз бананите ставете го светлиот дел со бисквитите и распоредете го по целата површина.
Целата торта намачкајте ја со слатка павлака.
Пред да го послужите десертот. Оставете го најмалку 2 часа да отстои во фрижидер.
