Неделкова бара милион денари од Јово Вангеловски
Еден милион денари за нарушување на честа и угледот во граѓанска постапка ќе побарува судијката Лидија Неделкова од нејзиниот доскорешен шеф и колега, судијата Јово Вангеловски, кој од ОЈО е обвинет за злоупотреба на службена положба и овластување.
Процесот започна денес го Кривичниот суд во Скопје. Вангеловски е обвинет дека како претседател на Врховен не ѝ исплатил додаток на плата на својата колешка, врховната судијка Лидија Неделкова.
Надлежна судијка во овој предмет е Даниела Алексовска-Стојановска. Според обвинението, на 30 ноември 2018, Вангеловски како претседател на судот донел поединечни решенија за сите судии во Врховен и им утврдил додаток на платата од 35 проценти. Овој додаток законски им следува на судиите поради посебни услови за работа, постоење висок ризик и доверливост.
Меѓутоа, такво решение тој не потпишал за Неделкова, која требало да земе додаток од 31.839 денари.