„Не можам да дишам“: Четири полицајци се отпуштени по смртта на Афроамериканец во Минесота (ФОТО+ВИДЕО)

Четири полицајци од Минесота се отпуштени по смртта на Афроамериканец кој еден од полицајците, како што се гледа на снимката, го држел со нога приклештен за врат, пишува Би-Би-Си.

Шефот на полицијата во Минеаполис, Медариа Арадондо рекол дека четирите полицајци се сега „бивши вработени“.

Снимката го прикажува мажот Џорџ Флојд, како се обидува да земе здив и на полицаецот му повторува „не можам да дишам“.

Man dies after being detained by Minneapolis police

"PLEASE, PLEASE I CAN'T BREATHE": A video taken by a bystander shows a Minneapolis police officer kneeling on a man's neck as the man repeatedly says he cannot breathe. The man eventually became unresponsive and later died at the hospital. WARNING: Video contains graphic content and physical violence that some viewers may find disturbing.Video: Darnella Frazier via StoryfulDetails: https://bit.ly/3eq04nr

Publiée par FOX 4 News sur Mardi 26 mai 2020

Инцидентот потсетува на 2014 година, кога Ерик Гарнер, исто така Афроамериканец, почина по апсењето во Њујорк.

ФБИ рекле дека ќе го истражат случајот во Минеаполис, кој се случил во понеделникот вечерта.

Полицијата од Минесота рекла дека Флојд (46), кој работел како обезбедување во ресторан, починал по „здравствен инцидент“ во „полициска интервенција“.

Во вторникот изутрина, градоначалникот Џејкоб Фреј потврдил дека се отпуштени четири полицајци кои биле вклучени во инцидентот.

„Тоа беше вистинската одлука“, напишал тој на Твитер. „Верувам во она што го видов, а тоа што го видов беше погрешно на секое ниво. Да се биде црнец во Америка не би требало да биде смртна казна.“

Тоа е последното во низа обвинувања на сметка на бруталноста на американската полиција против Афроамериканците.

Фото: ЕПА

Вчера вечерта, пред полициската станица во Минеаполис полицајците морале да користат солзавец за да ги растераат масовните протести заради смртта на Флојд.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот