Иако денеска е денот на шегата, и светските медиуми знаат да се пошегуваат со своите читатели, веста која доаѓа од Шпанија е вистинска и може да предизвика фудбалски земјотрес на трансфер пазарот.

За разлика од целиот свет кој денеска знае да „пушти“ лажна вест, во Шпанија денот на шегата е 28. декември и затоа  денешната информација за многу светски медиуми е релевантна, а дополнителен доказ се и фотографиите и видеото од аеродромот во Барселона.
Според каталонскиот весник „Спорт“ кој го објави видеото, агентот и таткото на Ерлинг Халанд, Мино Рајола и Алф-Инге Халанд , на аеродромот Ел Прат биел пречекани од личниот асистент на претседателот на Барселона, Жоан Лапорта.

#FCB ?? #ExclusivaSPORT ?

? ¡El bombazo del mes y estamos a día 1!

? Mino Raiola y el padre de Haaland, en Barcelona pic.twitter.com/mUmb7MX4wc

— Diario SPORT (@sport) April 1, 2021

Според извори на весникот, Лапорта на Рајола и таткото на фудбалерот на Борусија Дортмунд, им го презентирал новиот проект, но ништо не било договорено.

The meeting between Mino Raiola, Erling Haaland’s father and Joan Laporta has been positive. It was the first contact to discuss about the new Barcelona project – obviously there’s nothing done or advanced, race will be long as many clubs are involved… Barça are in. ?? #FCB

— Fabrizio Romano (@FabrizioRomano) April 1, 2021

Наводно, Рајола во наредните неколку недели ќе има средби и со претставниците на останатите екипи кои се заинтересирани за Ерлинг Халанд, по што на крајот ќе следи состанок со челниците на Борусија на кој ќе биде одредена цената за трансферот.
Ерлинг Халанд оваа сезона на 31. Натпревар за Борусија Дортмунд во сите натпреварувања постигна 33 гола.