Навивачите во Катар ќе плаќаат 200 евра од ноќ за сместување во контејнери
ФИФА го поремети натпреварувачкиот календар во сезоната 2022/23 како никогаш досега во историјата на фудбалот. Организацијата на Светското првенство годинава ја доби Катар, а првпат се одржува во ноември и декември, бидејќи тогаш жештините се најмали во богатата земја на Арапскиот Полуостров.
Наводно е направено сè што е можно сите репрезентации да имаат што е можно подобри услови и климатизирани соби, но кај навивачите приказната е поинаква.
Се ближи најголемиот фудбалски настан во светот, но во Катар сè уште многу не е подготвено, бидејќи земјата и натаму продолжува да се подготвува за планетарниот спектакл. Британските медиуми ги посетија локациите на кои ќе пристигнат илјадници фанови, а освен хотелско сместување, многу фанови ќе бидат сместени и во контејнери.
Accommodation is a real concern. Fan ‘cabins’ still very much under construction at the site I saw. A vast, soulless complex only half built, with row upon on row of these constructions. Unclear what food facilities. Private contractors building them pic.twitter.com/pyLVgLKsIO
— Ian Herbert (@ianherbs) September 20, 2022
Веќе многу се зборуваше за стадионот „974“ кој во основа се состои од 974 контејнери и кој по турнирот ќе се користи за други цели. Но, „Дејли мејл“ неодамна го посети Катар и откри колку напорни се подготовките за пристигнувањето на голем број туристи и навивачи поради СП.
Споменатиот медиум изрази загриженост порадид роковите, но и за изгледот на контејнерскиот комплекс во кој ќе бидат сместени многу навивачи. Сместувањето во шатори чини 400 евра од ноќ, а во контејнери 200 евра. Но, ниту едното ниту другото не изгледа привлечно.
– Шаторската населба сè уште е во изградба, а се наоѓа во пустина, на 40 минути возење од центарот на Доха. Навивачите наводно ќе имаат на располагање базени, теретана, тениски терени и клима уред. Во комплексот не се продава алкохол, но плажата е многу блиску. Таму наводно ќе може да се купи алкохол – пишува „Дејли мејл“.
One of the three tent village complexes. Very much under construction, too. Walk in tents with small food huts. Security staff there said there would there would be swimming pool and gym. Beach is nearby pic.twitter.com/tnJYEoqVsh
— Ian Herbert (@ianherbs) September 20, 2022
Изворот воедно пишува дека шаторската населба е луксуз во споредба со контејнерите кои изгледаат особено непривлечно. Сè наликува на некаков логор за воени заробеници со низа куќички со контејнери кои се протегаат во должина од половина километар. Не се знае дали секоја куќа има свој тоалет или дали фановите ќе го делат.
Експертите прогнозираат: Ќе има големи изненадувања на Светското првенство во Катар