36-годишен македонски државјанин е уапсен во австрискиот град Салцбург под сомнение дека учествувал во грабеж на 93-годишен човек во Германија, по кој жртвата починала, пренесе јавниот сервис ОРФ.

Осомничениот бил баран со европска потерница, а по апсењето е пренесен во затворот во Пух-Урштајн, во близина на Салцбург.

Според австриската полиција, грабежот бил извршено во Келн, Германија, а тројцата разбојници влегле во бунгалов во кој живеел ограбениот човек и брутално го тепале за да им открие каде ги чува парите. Тој на самото место починал од тешките повреди.

Ова се случило околу 1 мај, а полицијата набргу фатила двајца од тројцата напаѓачи, додека третиот, македонски државјанин, избегал и скоро три недели се криел во Австрија.

Во тек се дополнителни истраги и координација со германското правосудство околу можната екстрадиција на осомничениот, пишуваат австриските медиуми.

Зграда се урна во Германија, спасувачите трагаат по тројца исчезнати