Замислете десерт толку луксузен што чини повеќе од повратен лет до Европа. Токму тоа го создаде јапонскиот бренд „Селато“ (Cellato) со својот сладолед „Byakuya“ – сега официјално признат од Гинисовата книга на рекорди како најскапиот сладолед во светот, пишува „Дејли стар“.

 

View this post on Instagram

 

A post shared by Wealth (@wealth)

Јапонска компанија за сладолед собра некои од најретките состојки во светот за да направи сладолед кој чини речиси 7.000 долари по топка, додека целосната порција чини близу 15.000 долари.

Состојките на овој скап сладолед вклучуваат редок бел тартуф кој расте во Алба, Италија, каде половина килограм чини близу 7.000 долари. Овој сладолед содржи и пармезан, како и состојка позната во Јапонија како саке талог.

Добиениот замрзнат десерт чини апсолутно неверојатни 6.696 долари за една топка од 130 милилитри.

Било потребно повеќе од една година обиди и грешки за да се создаде секој детал, вклучително и прилагодена лажица направена од материјали кои традиционално се користат во храмовите во Кјото.

Зошто овој сладолед е толку скап? Најмногу поради тартуфите кои можат да чинат и до 15.200 долари за килограм. Сладоледот е спакуван во масло од бел тартуф, заедно со специјална рачно изработена лажица.

Според Гинис, од компанијата „Селато“ сакале да користат јапонски и европски состојки во обид да постават Гинисов рекорд.

„Ни требаа повеќе од 1,5 години да се развиеме, со многу обиди и грешки за да го добиеме вкусот како што треба“, изјави портпаролот на „Селато“ за Гинис, „Постигнувањето на титулата Гинисов рекорд го направи трудот исплатлив“.

И секако, не можете само да го извадите овој сладолед од замрзнувачот и да се послужите. „Селато“ советува, за почеток, да го измешате маслото од белиот тартуф во сладоледот, измешајте ги додека не стане доволно меко за да потопите една лажица во него. Доколку не е сосема подготвен, можете да го ставите во микробранова печка 10 до 20 секунди.