Најмалку три лица беа убиени на плажите во мексиканското летувалиште Акапулко во претходните денови, а една жртва беше убиена од напаѓач кој дошол од морето со чамец и побегнал на ист начин, јави Си-Би-Ес Њуз.

Гувернерот на пацифичката мексиканска република Гереро, каде што се наоѓа Акапулко, рече дека назначил 60 вооружени детективи да патролираат по плажите по неодамнешните насилни инциденти.

Насилството продолжува и покрај присуството на неколку илјади војници и Национална гарда распоредени во градот откако беше погоден од разорниот ураган Отис од петта категорија во октомври.

Тогаш загинаа 52 лица, а 32 се водат како исчезнати, додека речиси сите хотели во Акапулко беа тешко оштетени. Поправени се само дел од оштетените хотелски соби, околу 5.000.

И покрај големото присуство на војската, нивото на насилство од бандите не е намалено.

Владата на мексиканската република Сонора, која се наоѓа северно од Гереро, предупреди дека нарко картелите регрутирале локални млади луѓе.