Рафаел Надал не успеа се пласира во полуфиналето на завршниот Мастерс во Лондон, неговото место го зазеде Александер Зверев. Победата во меѓусебниот дуел во првото коло и вечерашниот триумф од 2:0 во сетови (6:4,7:6) над Данил Медведев беа доволни за Зверев од групата Андре Агаси да обезбеди пласман во полуфиналето.

Таму утре го очекува пресметка со Доминик Тим, додека во второто полуфинале ќе се сретнат Стефанос Циципас и Роже Федерер.

Во првиот сет, Зверев уште во првиот гем направи брејк и предноста ја сочува до крајот на сетот кој го доби со 6:4. Во вториот сет, Медведев заигра далеку подобро, му дозволи само една брејк топка на Германецот во деветтиот гем, но успешно се одбрани и успеа сетот да го однесе во тајбрејкот. Во одлучувачкиот гем, подобро се снајде Зверев, направи два мини брејка, наспроти едниот на Медведев и на крајот дојде до победа која го однесе во полуфиналето.