Надал испадна од мастерсот во Торино, Алкараз најмлад број еден на крајот од годината
Каспер Руд со победата над Тејлор Фриц 6:3, 4:6, 7:6 (6) го обезбеди своето место во полуфиналето на завршниот Мастерс турнир во Торино, Италија, како првопласиран од „Зелената“ група.
Во четврток Фриц и Феликс Оже-Алијасим ќе се борат за второто место во меѓусебен дуел.
Кога Руд го освои првиот сет, стана јасно дека Рафаел Надал повеќе не може да стигне до полуфиналето, а 19-годишниот Карлос Алкараз ќе ја заврши 2022 година како најдобар играч во светот и ќе стане најмладиот број 1 на крајот од сезона во историјата на тенисот.
Во првите два настапи во Торино, Шпанецот Надал загуби во два сета од Фриц и Оже-Алијасим.
АТП финалето и понатаму ќе остане еден од ретките турнири кои на рекордерот од 22 Грен слем титули му недостигаат во неговата импресивна тениска биографија.