Советниците од Алијанса за Албанците бараат забрана за влез на струшкиот градоначалник Рамиз Мерко во општинската зграда. Тие ги повикуваат сите правни лица да му оневозможат на „нон грата Рамиз Мерко“ да го користи објектот на Општина Струга бидејќи постои основано сомнение за дејствија на прикривање на докази додека трае истрагата.

Партијата на Арбен Таравари ги повикува другите партии по исцрпување на актите од страна на правните и извршните инстанци да се договорат и создадат законски услови за одржување на предвремени локални избори во Општина Струга за градоначалник на општината.

Од партијата соопштија дека нема да поддржуваат ниту едно барање, одлука или меморандум доставено од градоначалникот Мерко до Севетот на Општината и дека нема да одговори, ниту да учествува на ниту една покана или настани организирани од Мерко“.

-Советничката група на АА – Струга како и досега нема гласано така и од сега нема да гласа никаков квартален финансиски извештај, годишна сметка, договори за отстапување од страна на Општина Струга, процедури за урбанистички планови – легализации како и предложен буџет од страна на Општината на кои што стои потписот на сега веќе прогласениот за нон грата Рамиз Мерко – соопшти АА.