Секој од 80 милиони Иранци да одвојат по еден долар, а парите да ги добие оној што ќе го убие американскиот претседател, порача неименуван говорник на церемонијата за оддавање почест на командантот на единицата Кудс на Иранската револуционерна гарда генералот Касем Сулејмани, а го пренесе државната телевизија Канал еден.

– Ние сме 80 милиони Иранци. Ако секој од нас одвои по еден американски долар, ќе имаме 80 милиони американски долари, и со таа сума ќе го наградиме оној што ќе ни ја донесе главата на Трамп – рекол неименуваниот говорник пред огромната толпа во градот Машхад. Повикот бил пренесен во живо на иранскиот Канал еден.