Сериозното,одговорно и навремено преземање на мерки и политики од страна на државата и почитување на мерките придонесува да се стави оваа криза под контрола. Се намалуваат бројот на новозаразени и се зголемува бројот на оздравени. Тоа го наметнува прашањето на враќање во нормала на секојдневниот живот. Одржување на растојание од два метри и користење на маски ќе останат секојдневие и понатаму. Тоа значи и во контекст на изборниот процес, дистанцата и заштитните маски ќе бидат дел и од изборите, вклучувајќи и други медицински протоколи. Ќе се избегнуваат сите јавни и масовни собири и ќе се користат дигиталните и електронските алатки во кампањата и комуникацијата со граѓаните, изјави на денешната прес конференција генералниот секретар на СДСМ, Љупчо Николовски.

Тој објасни дека на гласањето, граѓаните ќе мора да носат заштитни маски и ракавици и кажа дека ќе се почитуваат сите протиколи за држење растојание и носење заштитна маска, а митинзи нема да има.