Музичките награди „Билборд“ оваа година доделени во поинакво светло
И покрај тоа што немаше публика во театарот „Dolby“ во Лос Анџелес, водителката и пејачка Кели Кларксон беше домаќин на церемонијата и навистина успеа да донесе динамична енергија на сцената.
„Вечерва е посветена на начинот на кој музиката нè допира сите, затоа што музиката се поврзува со нас на многу начини, без разлика кој сте, таа понекогаш буквално нè буди“, рече Кларксон.
Пејачот Пост Малоун имаше дури 16 номинации во категории како „Top Artist“, „Male Artist“, „Rap Artist“ и други. Тој ги доби наградите за „Top Male Artist“ и наградата за „Top streaming songs artist“.
Бројни уметници и врвни имиња во музичката индустрија настапија во текот на шоуто, вклучувајќи ги Џон Леџенд, Доџа Кет, Алиша Кис, Ен Вог, Би-ти-ес и Лук Комбс.
Тоа беше голема вечер и за Гарт Брукс, кој ја доби наградата „Icon Award“, која му ја додели неговата добра пријателка, Шер. Брукс настапи со микс од неговите најголеми хитови како „The Thunder Rolls“, „The River“, „Callin’ Baton Rouge“ и други.
Деми Ловато ја изведе и својата нова песна „Commander in Chief“, поветена на претседателот Трамп.
Наградата за најдобар албум ја доби пејачката Били Ајлиш за нејзиниот албум насловен „When We All Fall Asleep, Where Do We Go?“ како и наградите за „Top New Artist“ и „Top Female Artist“.
Наградата за „Top Hot 100 song“ ја добија Лил Нас Х и Били Реј Сајрус за песната „Old Town Road“ која долго време се задржа на врвот на светските плеј листи.
Погледнете ја целосната листа на сите добитници овде.