Со честитки за целиот народ по денешното гласање на дојните избори Тимчо Муцунски ја започна вечерашната прес-конференција во ВМРО-ДПМНЕ.
Муцунски пред новинарите кажа дека е сосема извесно оти Гордана Сиљановска Давкова ќе биде новата претседателка на држава и дека очекуваат подобар резултат од првиот круг. Според него, вечерва ќе се види составот на новата влада.

– Народот денес излегуваше на избори за да си ја врати Македонија. Македонци, Албанци, Турци, Роми, Срби, Власи, Бошњаци се обединија и гласаа за да си ја вратат контролата врз системот, која ја немаа. Да се нормализира државата, да се има држава која наместо на елитите му припаѓа на народот, изјави тој.

Муцунски уште кажа дека отворениот повик на ДУИ за бојкот не успеал.

– Преку бојкот сакаа да се факторизираат. Бојкотот не успеа, ДУИ оди во опозиција, рече Муцунски.

Неговата оценка беше дека денот мина мирно, во мирна атмосфера, со неколку нерегуларности.

– Функционери вршеле поткуп и притисоци, изјави Муцунски и порача дека институциите мора да бидат на ниво за решавање на овие прашања.