Смртта на 27-годишниот Камаро Фантамади, по потекло од Мали, кој почина по целодневна работа на плантажите, една е од главните теми во италијанските медиуми.

Момчето цел ден работело во поле, на температура од 40 степени Целзиусови, за 6 евра на час.

На пат до дома – паднал, „убиен е од искористувањето на кое се потпира италијанската агрикултура“, изјави синдикалниот активист Џорџо Кемаши.

Весникот „Република“ пишува уште за една жртва на ткн. „капоралат“, односно беспоштедно и робовско искористување на странските работници кои се во мрежата сопственици на плантажи и организираниот криминал.

Работници, по потекло од Мали, покренаа акција за собирање пари за телото на момчето да се транспортира во земјата на потекло, за што се потребни 4.000 евра.

Трагичната смрт на момчето повторно покрена јавна дебата за положбата и искористување на странските работници, но и за смртта на работното место, генерално.

Како и многупати порано, пишува весникот „Фанпејџ“, дури и вака трагичен настан, нема да промени ништо битно.