Адмир Љатифи, младиот фудбaлер од скопски Сарај, кој минатата сезона го носеше дресот на Беса, официјално се пресели во редовите на хрватски Осијек, со кој потпиша тригодишен договор.

Осијек го препозна потенцијалот на Љатифи, кој важи за еден од најперспективните македонски фудбалери во моментов. Станува збор за офанзивен играч за врска, најчесто активен по левата страна, но способен да покрие повеќе позиции во средниот ред.

Минатата сезона ја мина во дресот на Беса, настапувајќи во Првата македонска фудбалска лига, а претходно ги бранеше боите на Македонија Ѓорче Петров.

Љатифи е редовен член на младинските селекции на Македонија, а во моментов настапува за репрезентацијата до 19 години.