На денешната ждрепка за мундијалскиот бараж, репрезентацијата на Македонија немаше многу среќа и за противник ја доби селекцијата на Фарски Острови која на овогодинешното Европско првенство беше најпријатното изненадување. Селекторот Лазаров е свесен за квалитетот на противникот, а слично мислење има и голманот Никола Митревски.

Митревски во изјавата по ждребот призна дека Фарски Острови биле еден од помалку посакуваните противници, меѓутоа и напомена дека Македонија ќе влезе како фаворит во двомечот.

“Добивме еден од помалку посакуваните противници во баражот. И покрај ова ние ќе влеземе како фаворити и тоа треба да го искористиме. Фарски Острови е селекција која е во подем, играат брз ракомет, има играчи кои играат во Бундес-лигата и нивната игра се темели на квалитетите на тие играчи. Доколку бевме од другата во ждрепката и го добиевме овој противник, секако дека ќе бевме задоволни. Треба да се подготвиме за нив и да го продолжиме континуитетот на пласман на големите натпреварувања”, изјави Митревски.

Во првиот натпревар од двомечот Македонија ќе игра како гостин во Торшван на 8/9 мај, додека на 11/12 истиот месец ќе бидеме домаќини.

Немавме среќа: За место на Светското првенство ќе играме против Фарски Острови

Лазаров за двомечот со Фарски Острови: Добивме неатрактивен, но квалитетен противник