Лазаров за двомечот со Фарски Острови: Добивме неатрактивен, но квалитетен противник
Репрезентацијата на Македонија на денешната ждрепка за мундијалскиот бараж за противник ја доби селекцијата на Фарски Острови која сигурно ќе биде незгоден ривал.
Фарски Острови е репрезентацијата која беше најпријатното изненадување на овогодинешното Европско првенство, па нашите ракометари ќе имаат тешка задача.
“Добивме квалитетен противник кој со квалитетот на играта направи проблеми на сериозни европски селекции на последното Европското првенство. Имаат огромен напредок во сите ракометни категории во последните три-четири години. Неатрактивна ракометна национална селекција, но многу квалитетна. Имаме време добро да се подготвиме за бараж натпреварот. Очекувам неизвесен дуел на двата натпревари. Имаме подеднакви шанси за пласман на СП 2025”, изјави Лазаров.
Првиот натпревар го играме на 8/9 мај во Торшван, додека реваншот е во Скопје на 11/12 мај. Победникот од двомечот заедно со победниците од останатите парови обезбедува место на Мундијалот.
Немавме среќа: За место на Светското првенство ќе играме против Фарски Острови