Српскиот кошаркар Никола Јокиќ по трет пат во кариерата е прогласен за најкорисен играч (МВП) во регуларниот дел од сезоната во НБА лигата.

Јокиќ, центарот на Денвер нагетс во трката за МВП признанието зад себе ги остави Шеј Гилџус Александер и Лука Дончиќ, играчите на Оклахома, односно Далас.

Доаѓаат честитки од сите страни, но има и незадоволни со ваквиот избор, меѓу нив е и еден од најдобрите, најдоминантните центри во историјата на кошарката, Шекил О`Нил.

Според четирикратниот НБА шампион, Јокиќ сезонава не ја заслужи МВП наградата:

– Не сум среќен со овој избор. Честитки до Јокиќ, тој е најдобриот центар во лигата. Но, врз основа на сите критериуми, моите критериуми, статистика, прв носител, кој тим има подобар учинок, сметав дека Шеј Александер го заслужи МВП признанието – вели О`Нил.