Италија ја шокираше Црна Гора и е блиску до пласман на Светското првенство
На жрепката кога се дознаа бараж двојките за пласман на Светското ракометно првенство во 2025 година, се најавуваше дека репрезентацијата на Црна Гора ќе има лесна задача против Италија.
Но, по првиот натпревар Италијанците во Конверсано направија големо изненадување и на домашен терен со 32:26 ги совладаа Црногорците, иако по првото полувреме имаа само минимална позитива од 16:15.
Умберто Бонцо ја водеше Италија до победата со 13 голови, следен од Андреј Парисини со пет, а четири запиша Марко Менон.
На спротивната страна Василија Калуѓеровиќ реализираше седум голови, а по четири Бранко Вујовиќ и Вуко Борозан.
Италија е поблиску до учество на Мундијал, тоа би било второ нејзино учество на светските шампионати, првото го имаше на СП 1997.
Реваншот помеѓу Црна Гора и Италија ќе се игра на 12 мај во Подгорица.
Во четвртокот се одиграа уште пет натпревари од мундијалскиот бараж: Грузија – Австрија 25:27, Литванија – Унгарија 26:33, Полска – Словачка 28:29, Словенија – Швајцарија 26:27 и Португалија – Босна и Херцеговина 29:19.