Министерството за здравство ги поддржува заложбите на синдикалците, од септември ќе разговараат за платите
Министерството за здравство ги поддржува заложбите на медицинските синдикални здруженија за подобар здравствен систем како и поефикасна здравствена услуга на пациентите, информираат од Министерството за здравство.
Mинистерот Фатмир Меџити на последниот состанок со претседателот на Синдикатот на Клинички центар д-р Предраг Серафимовски и со д-р Љубиша Каранфиловски претседател на Самостојниот синдикат за здравство, фармација и социјална заштита разговарал за состојбите во здравството.
„На состанокот беше договорено дека од септември ќе се одржи работна средба на која подетално ќе се разработат одредени актуелни прашања, меѓу кои и пресметување и исплата на платите во здравствената дејност“, велат од МЗ.
Претседателот на Синдикатот на Клинички центар, Предраг Серафимовски, денеска на прес-конференција упати барање августовската плата да се усогласи со минималната плата. Во спротивно, најави можност за протести.