Во гостувањето на ТВ „Ел Чирингито“, член на работната група на Партизан, Предраг Мијатовиќ изјави дека норвешкиот фудбалер Ерлинг Халанд сигурно еден ден ќе игра за Реал Мадрид.

– Халанд никогаш не го кажал тоа јавно, но од сигурни извори знам дека тој би сакал еден ден да биде играч на Реал Мадрид. Не ме прашувајте како, но знам. Да му предложивте еднаш на Халанд можност да се пресели во Реал, мислам дека немаше да има дилема – изјави Мијатовиќ.

Досега оваа сезона во Премиер лигата Норвежанецот во дресот на Манчестер сити во 25 настапи запиша 19 голови.

– Мислам дека Халанд може да игра за Реал Мадрид и тоа ќе се случи – вели Мијатовиќ.

Ваквите аквизиции се знак за признание за Реал Мадрид, па колку и да изгледа невозможно во овој момент, силата на Кралскиот клуб не треба да се потцени.