Мицкоски за Вечерњи лист: Преспанскиот договор не го поддржувам, за членството во НАТО придонес имаат реформите од владите на ВМРО-ДПМНЕ

Христијан Мицкоски
Христијан Мицкоски / Фото: EPA-EFE/GEORGI LICOVSKI / Архива на Слободен печат

Претседателот на ВМРО-ДПМНЕ, Христијан Мицкоски, во интервју за хрватскиот весник „Вечерњи лист”, прашан дали дал поддршка или, пак, бил против Договорот со Грција, кој го потпиша владата на Зоран Заев и со кој се промени името на државата, рече дека имал огромни забелешки во врска со носењето на тој договор и не го поддржал, бидејќи од денешна перспектива таа реалност која ја донесе Зоран Заев „не ѝ донесе подобри времиња на Република Македонија“.

Според Мицкоски, народот и понатаму тешко живее, не сме поместени ниту еден милиметар на патот кон ЕУ, здравството не е целосно бесплатно, нема модерно образование и немаме реална борба против криминалот и корупцијата, нешто за кое Заев ветувал дека ќе се случи.

Мицкоски ја коментира и блокадата на соседна Бугарија за почеток на преговори со Европската Унија.

-Овој спор е новосоздаден и е исклучиво последица на тоа што Заев и ветуваше премногу на Бугарија, иако знаејќи дека тоа е штетно за Македонија и не е во состојба да го испорача. И во тој контекст немаме право да се бунтуваме против Бугарија, бидејќи природно е тие да ги штитат своите интереси, но она што навистина боли е што нашата држава ја водат луѓе кои се подготвени да прифатат се, да се пазарат со се. Не е во прашање на недостиг на разбирање од двете страни, туку недостиг на мудрост од македонската влада. Премиерот кога ги произведува тие ветувања кон Софија не се води од потребата за заштита на државните интереси, туку од потребата да си ја обезбеди фотелјата ден повеќе. Токму затоа се служи со измами кон соседите, но најважно таквите измами се кон сопствениот народ. Нашите црвени линии се составени во резолуцијата што ВМРО-ДПМНЕ ја поднесе а со консензус беше изгласана во Собранието а која ја содржи потребата за почитување на нашата посебност и јазичен идентитет, рече Мицкоски.

Борисов вели Бугарија мора да попушти, Радев е виновен!

Прашан дали го поддржува членството на Македонија во НАТО, Мицкоски рекол „апсолутно да“ и дека не може да биде против, бидејќи најкрупните реформи за членство во НАТО се правени токму од владите на ВМРО-ДПМНЕ.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот