МЕТЕО на УБ: Променливо облачно и натпросечно топло време

Unsplash
Есен / Фото: Unsplash

Денес времето во Македонија ќе биде променливо облачно и натпросечно топло со сончеви периоди. Ќе дува слаб ветер од променлив правец, додека температурите ќе се искачуваат во интервалот од 17 до 24 степени, прогнозира Славчо Попоски.

Славчо Попоски / Утрински брифинг

Во Скопје и околината времето ќе биде променливо облачно и натпросечно топло со сончеви периоди. Ќе дува слаб ветер од северен правец, додека максималната температура ќе се искачи до околу 19 степени.

Потоа во следните денови ќе се задржи променливо облачно со сончеви периоди. Ќе има услови и за слаб локален дожд. Утре попладне ќе започне да дува умерен, а долж повардарието засилен ветер од северен правец, со што од север ќе започне да се спушта постуден воздух, па така и температурите од среда, па натаму ќе бележат тенденција на опаѓања и минималните понекаде ќе се спуштат до -1 степен, додека максималните ќе се искачуваат во интервалот од 8 до 17 степени.

Видео на денот