Десет лица, вклучувајќи го и осомничениот напаѓач, беа пронајдени мртви по пукотница во град во североисточна Британска Колумбија, соопшти полицијата. Во нападот беа повредени 25 лица. Шест од жртвите беа пронајдени во средното училиште „Тамблер Риџ“, две во куќа за која се верува дека е поврзана со инцидентот, а едно лице почина на пат кон болница.

Иако полицијата сè уште официјално не го објавила идентитетот на напаѓачот, некои локални жители тврдат дека станува збор за 18-годишниот Џеси Стренг, објавува десничарскиот весник „Вестерн стандард“. Оваа информација сè уште не е потврдена од властите, пренесува Нова.рс.

Според медиумот, двајца млади мажи, Лиам Ирвинг и Хуан ван Херден, кои го познавале осомничениот од училиште, потврдиле дека станува збор за Стренг. Тие велат дека разговарале со осум лица кои биле во средното училиште „Тамблер Риџ“ во времето на масакрот.

„Тој беше неколку одделенија помлад од нас“, рече Ирвинг. „Беше тивок човек, но оставаше впечаток на повлечено дете. Не беше проблем, ниту пак досада.“

Осомничениот е идентификуван како трансродово лице од граѓаните?

Ван Херден се согласи со тој опис, велејќи дека Стренг бил „тивок човек“ кој најчесто седел сам.

„Секогаш го гледавме сам, во некој агол“, рече тој. Двајцата мажи исто така рекоа дека Странг се идентификувал како трансродово лице.

Наводно ги убил мајка си и брат си пред нападот

Според неофицијални информации во медиумите, осомничениот наводно ги убил мајка си и помладиот брат, кои биле добро познати во локалната заедница, пред да оди на училиште.

„Мајка ми беше добра пријателка со неговата мајка Џенифер, а мојот помлад брат, кој исто така е во аутистичниот спектар, беше близок со неговиот помлад брат Емет“, рече Ирвинг. Во моментов нема човек во овој град кој не е засегнат од ова, додаде тој.

Хаос во училиштето

Ирвинг, исто така, изјави дека неговата мајка била во училиштето во времето на пукањето, на катот каде што се случил нападот.

„Таа ги слушнала речиси сите истрели“, рече тој.

Извештаите за напаѓачот во средното училиште Тамблер Риџ почнале да пристигнуваат околу 13:20 часот во вторник. Полицијата издаде итно предупредување до јавноста, а членови на безбедносните служби наскоро пристигнале на местото на настанот.

Според последните информации, покрај загинатите, повредени се уште околу 27 лица, од кои две се здобиле со сериозни, животозагрозувачки повреди. Едно лице починало за време на транспортот до болница. Истрагата за овој масакр е во тек.