Германската канцеларка Ангела Меркел изјави дека владата ќе соработува со провинциите на западот на Германија погодени од поплавите со цел да се обноват разурнатите области.

„Ние сме со вас. И покраината и државата“, рече Меркел.

Германската канцеларка ја пофали работата и солидарноста во погодените области, што ги виде за време на нејзината посета, но предупреди дека проблемите не можат брзо да се решат.

Germany floods: Chancellor Merkel visits one of the worst-hit regions https://t.co/wQPkh5FS2A

— DW News (@dwnews) July 18, 2021

Таа рече дека дошла да ја види во живо „застрашувачката слика“ од областите погодени од поплавите.

Со Меркел беше и премиерката на покраината Рајнска област-Пфалц, Мала Дреер.

Меркел вети брза финансиска помош по посетата на најпогодените области и најави дека владата ќе започне со краткорочна програма за закрепнување во среда.