18.8 C
Скопје

Меланом: Подмолни места на кожата каде може лесно да се „скрие“ и да остане незабележан

Од кожата на главата до прстите има многу места на телото на кои не обрнуваме доволно внимание. Време е да го смениме тоа!

Иако има совршена смисла ракот на кожата да „напаѓа“ делови од телото кои се најмногу изложени на сонце, како што се лицето, рацете, градите и нозете, тоа не значи дека остатокот од телото не е во опасност .

Всушност, ракот на кожата може да се формира на кој било дел од телото, предупредуваат дерматолозите. Најголемиот фактор на ризик е секако изложеноста на штетни сончеви зраци, но на појавата на рак на кожата влијаат и возраста, генетиката и семејната историја на болеста.

Сето ова значи дека делови од телото кои не се изложени на сонце можат да бидат засегнати од рак на кожата. Еве на што да обрнете внимание:

Скалпот

Сама косата не е доволна заштита од штетното УВ зрачење, особено ако имате тенка и светла коса. Носете капи кога сте на сонце, а доколку не ги сакате, ставете заштитен спреј за сончање на скалпот.

Дланки и стапала

Стапалата и рацете се изложени на сонце многу повеќе од остатокот на телото. Обрнете внимание и прегледајте ги овие делови од телото и не заборавајте да ставите крем со заштитен фактор.

Прсти на рацете и нозете

Меланомот може да се скрие на овие места, а најчесто нив не им обрнуваме никакво внимание. Кога ставате крем, не заборавајте да го нанесувате и на прстите на рацете и на нозете.

Очни капаци

Околу 10% од карциномите на кожата се формираат на очните капаци, велат експертите. Затоа, не заборавајте да ставате крема за сончање со заштитен фактор, да носите очила за сонце и капа кога сте на сонце.

Областа помеѓу прстите

Веројатно никогаш не ви паднало на памет да ја проверите кожата помеѓу прстите на рацете и нозете. Сепак, таму може да се формира поголем и поагресивен меланом отколку на кој било друг дел од телото. Од време на време проверете ја кожата помеѓу прстите.

Гениталии

Иако овие делови од телото не се особено изложени на сонце (освен ако не сте нудисти), клетките на ракот, поврзани со вирусот ХПВ , се развиваат токму тука. Проверете дали има промени на кожата на овие делови од телото.

Поврзани вести

ВИДЕО: Погледнете како се снимал култниот филм „Dirty Dancing“

Слободен Печат

Карли Клос: Го следев моето срце, се омажив за човекот што го сакам и покрај сите компликации

Слободен Печат

„Меган ќе остане дома“: Принцот Хари ќе присуствува сам на откривањето на статуата на неговата покојна мајка

Слободен Печат

Трикови кои може да ви помогнат да заспиете полесно

Слободен Печат

ФОТО+ВИДЕО | „Договор за Европско првенство“: Девојка сподели какви правила ѝ поставило нејзиното момче додека трае „фудбалското лудило“

Слободен Печат

ФОТО: Ненси и Роналд Реган – љубовна приказна која траела 52 години, си биле доволни сами на себе, а со децата имале чуден однос

Слободен Печат

Остави Коментар