Медицинска сестра од Германија осомничена поради мешање на вакцините со солен раствор
Властите во северна Германија им соопштија на граѓаните повторно да се вакцинираат откако полицијата дозна дека медицинска сестра од Црвен Крст во нив ставала солен раствор, пренесува Гардијан.
Медицинската сестра е осомничена дека со тие вакцини ги вакцинирала луѓето во болницата во Фрајсленд, рурална област во близина на брегот на Северното Море.
„Тотално сум шокиран“ напиша Свен Амброси, локален советник, на својот Фејсбук профил.
Ваквата вакцина ја примиле преку 8,600 луѓе.
Иако вакцината со солен раствор е безопасна, многу од луѓето кои се вакцинирале во март и април во Германија, се постари лица и имаат повисок ризик од заболување со Ковид-19.
Мотивот на медицинската сестра, која остана неименувана, не е познат, но според полицијата таа во минатото ја изразила својата скептичност за вакцините.