Натпреварот помеѓу ПСЖ и Башакшехир беше прекинат во 14. минута поради расистичкиот испад на резервниот судија кој го нарече „црнец“ помошниот тренер на турскиот тим, Пјер Вебо. Играчите на Башакшехир го напуштија теренот и одбија да го доиграат натпреварот.

ВИДЕО: Прекин во Париз, фудбалерите на Башакшехир поради навреда го напуштија теренот

Од турскиот тим и порачаа на УЕФА дека нема да го доиграат натпреварот доколку четвртиот судија кој ги упати навредите кон Вебо остане на теренот.
– Четвртиот судија рече црнец пред сите. Доколку тој се тргне од теренот, ние ќе го доиграме натпреварот. Доклку тој остане, ние не се враќаме – изјави претставникот на Башакшехир, Гоксел Гумусдаг.

Играчите на турскиот тим протестираа кај судиите и бара објаснување по инцидентот, а добија поддршка и од фудбалерите на ПСЖ и заедно го напуштија теренот.
Напаѓачот на ПСЖ, Килијан Мбапе им даде и јавно поддршка на фудбалерите на Башакшехир.
„Кажете не на расизмот. Вебо ние сме со тебе“, напиша Мбапе на социјалните мрежи.

SAY NO TO RACISM. ❌❌❌

M.WEBO WE ARE WITH YOU. ✊?

— Kylian Mbappé (@KMbappe) December 8, 2020

Според првичните информации, натпреварот најверојатно ќе продолжи утре од 18.55 часот, но засега нема официјална потврда од УЕФА.