Масовно бушење на гуми во центарот на Куманово

Фото: Wikipedia

Деветмина кумановци вчера пријавиле во полицијата дека им биле оштетени гумите на автомобилите, соопшти денеска МВР.

Автомобилите биле паркирани на три улици во центарот и поширокото централно градско подрачје.

– Вчера, во 20:30 и 20:40 часот во СВР Куманово двајца граѓани пријавиле дека на улица „Иго Тричковиќ” во Куманово биле оштетени гумите од нивните возила кои биле паркирани на улицата. Исто така, во периодот од 20:05 до 20:35 часот во СВР Куманово, седуммина граѓани пријавиле дека биле оштетени гумите од нивните возила паркирани на улица „Народна Револуција” и на улица „Перо Шварц”-соопшти МВР.

Полицијата соопшти дека презема мерки за расчистување на случајот.

Видео на денот