Маскота почина во забавен парк во Јапонија носејќи костум тежок 16 килограми
Во забавен парк во Јапонија почина маскота играјќи во костум тежок дури 16 килограми, објавија тамошните медиуми.
Маскота во забавен парк во Јапонија почина играјќи во костум тежок 16 килограми. Јохеи Јамагучи, кој бил во улога на маскота на еден забавен парк во Осака, Јапонија, починал во неделата откако играл облечен во костумот повеќе од 20 минути.
Тој работел како хонорарен работник во паркот Хираката, каде температурите достигнале до 33,2 степени Целзиусови во неделата.
28-годишниот работник, наводно, се онесвестил откако танцувал 20 минути за време на пробата облечен во костимот.
Поради трагедијата, паркот Хираката ги откажал сите настани во кои се вклучени маскоти со слични костуми закажани за летото.