Марковиќ е новиот напаѓач на Работнички
Марковиќ треба да ја засили конкуренцијата во делот на нападот, воедно може да одговори и како офанзивен играч за врска.
Доаѓа од редовите на грчкиот клуб Каламата, младинскиот стаж го стекнал во српскиот клуб Партизан, а потоа гради и интернационална кариера.
Бил член на Корона Кјелце (Полска), ЦСКА Софија (Бугарија), Левадијакос (Грција), Черно Море (Бугарија), Геонгам (Кореја), Ескилстуна (Шведска). Во Србија има настапувано за Вождовац и за Радник.
Работнички в сабота од 18.00 часот ќе одигра пријателски натпревар против второлигашот Брегалница на Градскиот стадион во Штип.
Исто така уште еден млад и талентиран играч потпиша професионален договор со Работнички, станува збор за Борјан Пановски кој е промовиран во сениорскиот тим. Стави потпис на тригодишна верност кон клубот.