Маргот Роби откри колку била нервозна додека снимала жешка сцена со Леонардо Дикаприо во „Волкот од Волстрит“. Австралиската актерка го привлече вниманието на светската јавност глумејќи ја сопругата на Џордан Белфорт, Наоми, во филмот на Мартин Скорсезе од 2013 година.

Маргот, која многумина ја нарекуваат најубава жена на светот, имала голема трема пред снимање на интимна сцена со познатиот холивудски актер, и за дополнително да се охрабри, испила неколку текили, пишува „Daily Mail“.

„Нема да ве лажам, испив неколку чашки текила пред да ја снимам таа сцена на подот. Бев многу, многу нервозна“ – истакнала Роби во разговорот за „BAFTA: A Life In Pictures“, нагласувајќи дека можеби само изгледала самоуверено, но воопшто не било така.

Роби за време на снимањето имала само 22 години, а нејзиниот партнер Дикаприо бил 15 години постар. Станува збор за сцена која се одвива во детската соба и во која Роби, која ја портретира Наоми Лапаља, сопругата на Џордан Белфорт, се обидува да го испровоцира Дикаприо покажувајќи го голото меѓуножје. Ова е една од најексплицитните сцени во и онака многу експлицитниот филм.