Македонскиот голман Стојановиќ ќе брани за Мидлсброу (ФОТО)
Чуварот на мрежата пред девет години имаше еден настап за нашата млада фудбалска репрезентација на контролниот меч против Црногорците.
Официјално нашиот 26-годишен чувар на мрежата потпиша договор на три и пол години со клубот кој што сезонава за настапува во Чемпионшип.
Мидлсброу кој моментно се наоѓа на 16. место после 27 кола во Чемпионшип, веднаш најде замена Дарен Рендолф кој си замина од клубот.
Дејан Стојановиќ, роден во Фелдкирх (Австрија), имаше еден настап за македонската млада У21 репрезентација во 2011 на пријателскиот меч против Црна Гора.
We're delighted to confirm the signing of Dejan Stojanović ✍
Welcome to #Boro, Dejan! ?⚪️ #UTB
— Middlesbrough FC (@Boro) January 16, 2020
Истата година доби повик од У19 селекцијата на Австрија и беше тогаш меѓу резервите за три евроквалификациски мечеви.
Ниту еднаш досега не ги бранел боите на најдобрата македонска репрезентација. Во клупската кариера ги бранеше боите на Лустенау 07 (Австрија), Болоња (Италија), на позајмица во Кротоне (Италија), а последен клуб му беше швајцарскиот Ст. Гален.
Има над 50 натпревари за Ст. Гален и има настапи во Лига Европа.
– Задоволни сме што потпишавме со Дејан. После заминувањето на Дарен во Вест Хем, беше важно да додадеме конкуренција за голманите кои се во нашиот клуб – вели менаџерот на Мидлсбро, Џонатан Вудгејт.