Напредок од четири позиции на најдобрата машка ракометна репрезентација на најновото рангирање на Европската ракометна федерација (ЕХФ).

Моментно нашата сениорска селекција се наоѓа на 15. место со моментно 31,25 поени, што е за четири места подобро од минатата година.

ЕХФ ги сумираше резултатите на сите репрезентации по настапот на Европското првенство што се одржа во јануари каде избраниците на селекторот Кирил Лазаров се најдоа на 14. позиција со учинок од една победа над Романија, реми со Португалија и пораз од Данска која подоцна стана европски шампион.

Во топ 3 се наоѓаат Данска (118 поени), Франција (94) и Германија (91).

Целосното ЕХФ рангирање на машките ракометни репрезентации можете да го погледнете на следниот линк ТУКА