-4 C
Скопје

Македонска реалност – Децата на возраст помеѓу 13 и 17 години, најчести жртви на трговија со луѓе (ВИДЕО)

Кај возрасните е поразлично. Луѓето стануваат жртви преку лажни ветувања за работа кои можат да бидат проследени со ветувања за обезбедување на патна исправа, документација или виза, транспорт, удобно сместување и нудење финансиски заем за почеток кој потоа лицето треба да го врати од првата плата. 

Децата се најголеми жртви на трговија со луѓе, но се почесто и мажите, за кои порано се веруваше дека се безбедни, се вплеткуваат во мрежата на трговијата со луѓе. Трговијата со луѓе во јавноста се уште се поврзува само со бело робје и сексуални работници, но во суштина жртви на трговија со луѓе се сите кои паднале на мамка за работа во странство и тоа во градежниот и земјоделскиот сектор, но, исто така, и во приватните домаќинства препознаени како сектори со слаби колективни права.

Стојна Атанасовска Димишковска од Невладината организација „Отворена порта Македонија“ за Слободен печат вели дека возрасната граница на жртвите е драстично намалена и повеќето од жртвите се на возраст меѓу 13 и 17 години.

Прочитајте и...  Мисајловски: Заев е најголемиот трговец на сè што е македонско, затоа мора да го сопреме

– За жал, Македонија се смета и за земја на потекло на трговија со луѓе. Исто така, постојат случаи на таканаречена „внатрешна“ трговија со луѓе, каде што граѓани, претежно деца, од Македонија се тргувани внатре во земјата. Возрасната граница на жртвите е драстично намалена и повеќето од жртвите се на возраст меѓу 13 и 17 години, вели Димишковска.

Децата спаѓаат во најранливата категорија на трговија со луѓе врз коишто силно влијание имаат семејното насилство, сексуалното искористување, родителската запоставеност, социјалната исклученост и воедно придонесуваат за создавање на искривена слика за реалните вредности и уживање на човековите права, вели Димишковска.

Кај возрасните е поразлично. Луѓето стануваат жртви преку лажни ветувања за работа кои можат да бидат проследени со ветувања за обезбедување на патна исправа, документација или виза, транспорт, удобно сместување и нудење финансиски заем за почеток кој потоа лицето треба да го врати од првата плата.

Прочитајте и...  Велешанка физички нападната од нејзиниот невенчан сопруг

Во тек е кампања „Не се залетувај“ при барање работа која има цел да ги информира граѓаните, посебно оние кои што се во потрага по работа, за можните ризици  и измамнички понуди за работа.

-Недостатокот на информации и можности ги принудува луѓето да прифаќаат сомнителни понуди за работа и како резултат да станат жртви на трговија со луѓе со цел трудова експлоатација. Младите, најчесто од неразвиените региони на земјата одлучуваат да бараат работа во странство, несвесни за можните ризици и со тоа да станат жртви на измама (во однос на условите за работа и плата), но исто така и ограничувања на слободата, одземање на пасошот и можноста да бидат подложени на суров третман и експлоатација, вели Димишковска.

Прочитајте и...  Отворено писмо од припадници на Армијата: Ни ја менувате историјата, ни ги распродавате хероите кај соседите, има ли крај?

Многу често жртвите на трговија со луѓе, никогаш не успеваат да се реинтегрираат во општеството, како резултат на психолошките последици кои врз нив оставило лошото искуство, а немањето финансиски средства им оневозможува да посетуваат психолог. Децата скоро секогаш губат по неколку училишни години додека чекаат да бидат спасени, а потоа тешко се враќаат во образовниот систем, немањето здравствена заштита им оневозможува да ги излечат здравствените проблеми предизвикани од сексуалното искористување.

Поврзани вести

Хрватска во шок: Докторката од тимот што го прими првиот пациент со ковид-19 во клиниката се самоубиво

Илинка Иљоска

Д-р Докиќ: Кај некои лица доаѓа до оштетување на капиларите насекаде во организмот, пред сè на белите дробови, на срцето и мозокот

Слободен печат

Филипче: Вирусот се смирува, но далеку сме од ситуација да кажеме дека може да здивнеме

Слободен печат

Бар и Меконел ја признаа победата на Бајден на изборите во САД

И.И.

За викендите ќе биде штама во Србија, рестриктивните мерки стапуваат насила од петок

Слободен печат

Над 64 милиони луѓе во светот заразени со Ковид-19

И.И.

Остави Коментар